Кибертерминология (5 та тилда изоҳли луғат) муаллифлар А. Анорбоев, М. Рустамбаев ва С.Анорбоева томонидан олиб борилаётган илмий ишларнинг мантиқий давоми ҳисобланади. Ушбу луғат 5 та тилда, ўзбек, рус, инглиз, испан ва хитой тилида муаллифлар томонидан махсус тайёрланган бўлиб, унда муаллифлар кибержиноят, кибержиноятчилик, ахборот-коммуникация технологиялари, сунъий интеллект, киберхавфсизлик, телекоммуникация, рақамли иқтисодиёт, электрон ҳукумат, электрон раамли имзо, электрон ҳужжат айланиши, электрон ҳисоблаш машиналари ва уларга алоқадор бўлган тушунчаларнинг таърифи ва уларнинг мазмун-моҳиятини тушунтириш беришга харакат қилишган, шунингдек, миллий, хорижий ва халқаро қонунчиликни илмий ва амалий жиҳатдан тадқиқ этишган. Мазкур луғатдан Ўзбекистон Республикаси Давлат хавфсизлик хизмати, Миллий гвардия, Бош прокуратура, Рақамли технологиялар вазирлиги, Ички ишлар вазирлиги, Марказий банк ва бошқа қонун чиқарувчи, ижро этувчи, назорат ва ҳуқуқни муҳофаза қилувчи органлар мутахассислари ва ходимлари, судьялар, Ўзбекистон Республикаси Жамоат хавфсизлиги университети, Муҳаммад ал-Хоразмий номидаги Тошкент ахборот технологиялари, “Acharya”, Амити, Тошкент шаҳридаги “Амити”, “Cyber university”, Тошкент давлат юридик университетлари, Ўзбекистон Республикаси Президенти ҳузуридаги Қонунчилик ва ҳуқуқий сиёсат институти ва Давлат бошқаруви академияси, Бухоро вилоятининг Қоракўл туманида IT-кластер, Тошкент давлат юридик университети, Ўзбекистон Республикаси Ички ишлар академияси, Ўзбекистон Республикаси Ҳуқуқни муҳофаза қилиш академияси ҳамда бошқа олий ва ўрта махсус ўқув муассасаларининг ўқитувчилари, ўқувчилари, илмий ходимлари ва талабалари, ҳуқуқшунослар, ахборот-коммуникация технологиялари соҳаси мутахассислари, ходимлари, шунингдек, ушбу соҳа бўйича илмий иш қилаётган мутахассис олимлар фойдаланиши мумкин.