Ushbu uslubiy tavsiyanomada gipoparatireozda yurakning morfologik o‘zgarishlari baholanishi bayon etiladi. Tadqiqot davomida yurak to‘qimalarida yuzaga keladigan strukturaviy va morfometrik o‘zgarishlar, xususan miokard, yurak bo‘lmachalari va klapan apparatidagi o‘zgarishlar tafsiflanadi. Eksperimental gipoparatireoz modeli asosida o‘tkazilgan tadqiqot natijalari mazkur endokrin kasallik fonida yurakda yuzaga keluvchi erta morfologik o‘zgarishlarni aniqlashga hamda ularni klinik kechishiga ta’sir etuvchi omillarni baholashga imkon beradi. Metodik tavsiyanoma shifokor-pediatrlar, shifokor-kardiolog, shifokor-endokrinologlar, shuningdek laboratoriya va instrumental diagnostika sohasi mutaxassislariga mo‘ljallangan.