Аннотация. Мазкур мақолада Ўзбекистон Республикаси Жиноят кодексининг 278¹- моддаси (Ахборотлаштириш қоидаларини бузиш) кибералогия методи асосида илк бор чуқур юридик-техник таҳлил қилинган. Муаллиф кибержиноятнинг объекти, субъекти, предмети ва объектив томонига оид зарурий белгиларни тизимлаштириб, амалдаги норманинг инсон ҳуқуқлари ва рақамли хавфсизлик стандартларига номутаносиб эканлигини асослаб берган. Мақолада рақамли активлар ва кибермакон билан боғлиқ янги жиноят предметлари таснифланган ҳамда Жиноят ва Маъмурий жавобгарлик тўғрисидаги кодекслар нормаларини Конституциявий мутаносиблик принципи асосида такомиллаштириш бўйича аниқ таҳрирдаги таклифлар илгари сурилган. Калит сўзлар: кибералогия, 278¹-модда, ахборотлаштириш қоидалари, рақамли из, кибержиноят предмети, маъмурий преюдиция, муҳим ахборот инфратузилмаси, мутаносиблик принципи.