Qaraqalpaq tili - rawajlanǵan millet tilleriniń biri. Onıń házirgi rawajlanıw dárejesi baylıǵı hám sóylewdegi keń múmkinshilikleri eń birninshi gezekte sózlik quramda kórinedi. Qaraqalpaq tiliniń sózlik quramında qaraqalpaq xalqınıń pútkil tariyxıy ómiri, kún kórisi, aqıl-oyı, psixologiyası, ruwxıy dúńyası, intellektuallıq rawajlanıw jaǵdayı, pútkil turmısı - barlıǵı óz sáwlesin tapqan.