Jaslardı ruwxıy ádeplilikke jetelewshı tálim-tárbiyalıq elementler sóz hám saz ırǵaqlarınıń sintezinde professional tárizinde berilgeni, olardı durıs qabıllaw, tuwrı baha beriwge úyretiw, jaslar qálbinde ádeplilik elementleriniń qáliplesiwine xızmet qıladı. Sonıń ushın da tálim hám tárbiya oshaǵı bolǵan ulıwma bilim beretuǵın mekteplerde, orta arnawlı kásip-óner kolledji, joqarǵı oqıw orınlarında, óspirim oqıwshılardıń, talabalardıń ruwxıy ádeplilik estetikasında tárbiyalanıwına ayrıqsha itibar beriliwi, baslı wazıypalardıń biri bolıp qala beredi. Pedagogikanıń teorıyası, bul –ilim, bilim barısı menen, jónelis baǵdarı menen, didaktika menen túsindiriletuǵın bolsa, teoriyadan ámeliyatqa ótiw, (yaǵnıy ámeliyat-bul tikkeley insan, bala) menen shuǵıllanadı.