Til ichki va tashqi manba asosida boyib boradi. Ya’ni chetdan so‘z o‘zlashadi yoki til ichki imkoniyati asosida – so‘z yasalishi bilan yangi ma’noni bildiruvchi birlik paydo bo‘ladi. Shundan so‘z yasalishi – tilda bor bo‘lgan material va imkoniyat asosida yangi so‘z hosil qilishni, lug‘at tarkibining boyishini nazarda tutadi. Ana shu so‘z yasalishi bilan bog‘liq lug‘at tilimiz rivojini o‘rganish va o‘rgatishda muhim manba bo‘lib xizmat qiladi.