Диссертация мавзусининг долзарблиги ва зарурати. Жаҳонда автомобиль йўллари ва қурилиш соҳасини ривожлантиришга алоҳида эътибор қаратилмоқда. Ушбу йўналишда модификациялаш усули билан нефть гудронлари ва қовушқоқлиги паст бўлган битумларни оксидлаш технологиясини такомиллаштириш, модификацияланган битумлар асосидаги битум-минерал материалларининг структураси ва хоссаларини сифат даражасини ошириш катта аҳамият касб этмоқда. Ривожланган мамлакатларда, жумладан АҚШ, Германия, Франция ва Япония каби давлатларда турли хил табиий иқлим шароитида эксплуатация қилинадиган асфальтбетон ва том қопламаларига турли омилларнинг таъсирини татқиқот этиш, уларнинг таркибини аниқлаш ва ишлаб чиқаришда янги технологияларини жорий қилиш масалалари етакчи ўрин эгалламоқда.