Бул питкериў қәнигелик жумысында гандболшылардың техникалық әмеллерди тактикалық ҳәрекетлер менен биргеликте алып барыў усыллары бағларламасының дүзилиўин анализлеў арқасында, ондағы мәселелерге бир қанша толық тоқтап өтилген. Спорт пенен шуғылланыўды дурыс шөлкемлестириў арқалы ғана, дене тәрбиясы ҳәм спорт ўазыйпаларын табыслы шешиў ушын мүмкиншиликлер туўылады. Усы ўазыйпаларды шешиўде тийкарғы илажлардың бири, гандбол ойынында техникалық әмеллерди дурыс, тактикалық ҳәрекетлер менен биргеликте алып барыў болып есапланады.