Mavzuning dolzarbligi. Tana vaznining me'yoridan oshiq bo‘lishi va semizlik hozirgi vaqtga kelib jadal sur'atlar bilan o‘sib ketayotgan muammolardan biridir. Ushbu holat yer yuzidagi barcha davlatlarda yashayotgan ayolu erkak, yoshu qari, oddiy ishchi xizmatchilaru mansabdor shaxslar hamda o‘quvchi yoshlar va boshqalar orasida ularning turmush tarzidan qat'iy nazar uchrab turibdi. Oshiqcha tana vazni va semizlik insoniyat oldiga uning sihat-salomatligi va iqtisodiy jarayonlar bilan bog‘liq qator yangi muammolarni qo‘ymoqda.