Шокни даволашда гипоксияга ва организмда у натижасида юзага келтирган ўзгаришларга қарши кураш муҳим аҳамиятга эга. Бунинг учун кўпинча қон ва унинг компонентларини қуйиш йўли билан циркуляциядаги қон ҳажмини тиклаш усули қўлланилади. Аммо гемотрансфузиянинг ижобий натижалари билан бир қаторда, микроциркуляциянинг, энергия билан таъминланганликнинг чуқур бузилиши ҳамда метаболизмнинг умумий дезинтеграцияси ҳолатида юзага келувчи камчиликлари ҳам бордирки, улар нохуш ҳолатларга олиб келиши мумкин.