Китобхонлик маданияти-шахснинг ўз куч-қуввати, имкониятлари, қизиқишларини китоб ўқишга сафарбар қилишининг муайян даражасидир. Ўқувчиларда ўз ўқув фаолиятлари давомида китоб ўқиш, уни таҳлил қилиш ва мазкур асар ҳақидаги ўз фикрларини баён этиш каби кўникмалар шаклланади. Китобхонлик маданияти мазкур соҳада ўқувчининг етуклигини ҳам ифодалайди. Китобхонлик маданияти - ривожланган тамаддунлар даврида бутун инсониятга хос бўлган маърифий-таълимий ҳодисадир. У таълим-тарбия натижасида ўқувчида ҳосил қилинадиган кўникмалар, қизиқишлар, ижодий имкониятларни ҳам ифодалайди. Ушбу китоб ўқитувчилар, мактаб кутубхонаси ходимлари, аспирант ва докторантларга дастуруламал бўлиб хизмат қилади, деб умид қиламиз.