З.С.Исоковнинг “Махмуд Қошғарийнинг “Девону луғотит турк” асарида Зироатчилик билан боғлиқ атама ва урф одатларнинг тавсифи ва таҳлили” номли мақоласи Буюк бобокалонимиз Махмуд Қошғарийнинг “Девону луғотит турк” асаридаги маълумотларга асосланиб ёзилган. Маълумки Маҳмуд Қошғарий юқоридаги асари орқали дунё илм аҳлига қадимий туркий элатларнинг тили, тарихи, урф-одат ва маросимлари, ҳақида қимматли маълумотлар қолдирган. Алломанинг ушбу асари неча юз йиллардан буён тарихчилар, этнографлар, тилшунослар, фольклоршунослар каби турли соҳа вакилларининг диққат марказида бўлиб келмоқда. Ушбу мақолада ҳам “Девону луғотит турк” асаридаги қадимий туркий элатларнинг деҳқончиликка оид турли мақоллари, урф-одат ва маросимлари, зироатчиликка билан боғлиқ турли атама ва номларнинг тавсифи ва таҳлили келтириб ўтилган.