Boburiylar sulolasining asoschisi qat’iyatli shoh va iste’dodli shoir, sinchkov olim va yuksak qalb sohibi Zahiriddin Muhammad Bobur 47 yil davom etgan jang-u jadallarga to’la hayotida ham betakror ilhom og’ushida yashaydi. Bobur kelgusi avlodlarga beqiyos lirik va nasriy asarlarni meros qilib qoldirdi. Xususan, adibning memuar, tarixiy-badiiy “Boburnoma” asari asrlar davomida sharq-u g’arb mutafakkirlarining e’tiborini o’ziga jalb qilib kelmoqda. Mazkur maqolada ham “Boburnoma” asarida tarixiy shaxslar nomlarining qo’llanishi xususida kichik izlanish olib borildi.