Avtomobillarning texnik iqtisodiy ko’rsatkichlari ko’p jihatdan dvigatelning yonilg’i bilan ta’minlanish tizimidagi mexanizm va uzellarning texnik holatiga bog’liqdir.Ta’minlanish tizimini diagnostikalashda, birinchidan ta’minlash tizimidagi nosozliklarni qaysi mexanizm va uzellarga bog’liqligi aniqlansa, ikkinchidan, uning texnik soz holatini ta’minlovchi yonilg’i o’tkazgichlarning zichlikligi, yonilg’i va havo filtrlarning holati, yonilg’i nasosini, karbyuratorni, injektorni tekshirish va sozlash ishlari bajariladi. Avtomobillarga rejaviy ogohlantirish tizimi va servis xizmat ko’rsatish usullarida xizmat ko’rsatiladi. Shuning uchun biz avtomobillarga 1-TXK, 2-TXK va SXK davrida ta’minot tizimi bo’yicha bajariladigan ishlar tarkibi bilan tanishib chiqsak maqsadga muvofiq bo’ladi.