Hayot deb atalmish ne’mat dunyodagi jamiki insonlarga bir marta beriladi. Har kim o‘z hayotini o‘zi orzu qilgandek o‘tkazishga harakat qiladi. Shu bilan birga har bir inson qalbida turlicha orzular yashaydi va albatta, ular hech bir shaxsda o‘z-o‘zidan paydo bo‘lib qolmaydi. Inson hayotida sodir bo‘lgan turli voqea-hodisalar, yoki ma’lum shaxslar uning qalbida qandaydir orzu-istakning paydo bo’lishiga sabab bo‘ladi.