Ўткир ичак тутилиши (ЎИТ) кўп йиллардан бери шошилинч хирургиянинг долзарб муаммоларидан бири бўлиб қолмоқда. Механик ичак тутилиши тузилмасида странгуляцион ичак тутилиши 74% ни ташкил қилади, шундан битишмали тури – 52,5% ни, буралиб қолиш – 12% ни, тугун ҳосил бўлиши – 5,6% ни, қисилиш – 9,9% ва аралаш тури ичак инвагинацияси 20% ни ташкил қилади. Тадқиқотнинг мақсади: эрта ташхислаш ва операция усулини танлаш асосида болалардаги странгуляцион ичак тутилишларда ташхислаш ва даволаш тактикасини оптималлаштириш. Илмий янгилик: тадқиқот иши странгуляцион ичак тутилиши диагностикасининг долзарб муаммосини ҳал қилишга ва даволаш усули тактикасини танлашга бағишланган илмий-амалий тадқиқот ҳисобланади. Натижалари аниқланиб консерватив терапиянинг ҳажми ва давомийлигини, клиник материалдаги оператив аралашиш характерини белгилаш, ўткир СИТнинг анатомик шартлари ва ривожланиш хавфи омилларини аниқланган.