Өзбекистан Республикасында химия санаатын раўажландырыў, химия санааты кәрханалары қурылысын буннан былайда жеделлестириў ҳәм жаңа түрдеги өнимлерди ислеп шығарыў бойынша жумыслар даўам етип атыр. Буған айқын мысал ретинде Қоңырат сода заводы, сондай-ақ үстиртте жаңадан полиэтилен заводының қурылысы режелестирилмекте. Ғәрезсизлике ерискеннен кейинги жыллардың ишинде Өзбекистан Республикасында аўыл хожалығы, санаат, машинасазлық, қурылыс ҳәм техника тараўлары жоқары пәт пенен раўажланбақта, алдыңға илгерилеўшилик ҳәм жетискенликлерге ерисиўшилик айқын көзге тасланады.