Milliy ádebiyattıń rawajlanıw jolı, sol millettiń tariyxı, jámiyetlik ómiri menen baylanıslı boladı. Máselen, qaraqalpaq ádebiyatınıń saǵaları VI— VIII ásirlerde payda bolıp, X—XIV ásirlerde bul derekler Axmed Yassawiy, Sulayman Baqırǵaniy, Rabǵuziy, Ál-Kerderiy dóretiwshilikleri menen baylanıslı bolǵan. Sonnan berli qaraqalpaq ádebiyatı xalqımızdıń búgingi kúnge shekem tariyxıyjámiyetlik ómiri menen ajıralmas baylanısqa túsken.